Գևորգ Ջավաղյանին մնացել էր ընդամենը մեկ ամիս, որ վերջացներ իր ժամկետային զինծառայությունը ու հայրենիքի նկատմամբ ունեցած պարտքը հանձնելուց հետո վերադառնար իր ընտանիքի մոտ... Գևորգը տանկիստ էր, զոհվել է մարտական առաջադրանքը հերոսաբար կատարելով Հ.Գ. Նկարում Գևորգի վիրավոր տանկն է, որը իր ընկերների և հրամանատարների շնորհիվ վերականգնվել է և բերվել է մարտական վիճակի՝ 055-ը ՄԻՇՏ է կանգուն լինելու, Գևն էլ վերևից նայելու ու հպարտանալու է,չէ՞ որ իր տանկը պաշտում էր ու ասում. -Նորմա՞լ ա սաղ, թե չէ՝ տանկս քշեմ գամ Հավերժ փառք քեզ, մեր հերոս... "Հողը մի կենդանի էակ է, նա ունի իր հոգին, և առանց հայրենիքի, առանց հարազատ հողի հետ սերտ կապի, մարդ չի կարող գտնել իրեն, իր հոգին": Մարտիրոս Սարյան

Ճանաչենք մեր հերոսներին Ռոբերտը և Արտյոմ Հովհաննիսյանները ծնվել են Արթիկում: Ռոբերտը Ջաբրայիլում է ծառայել, իսկ Արտյոմը՝ Աղդամում: 2020 թվականի 44 օրյա պատերազմի ժամանակ երկուսն էլ եղել են մարտադաշտում և հերոսաբար մարտչել են թշնամու դեմ: Ռոբերտը զոհվել է 2020 թվականի հոկտեմբերի 10-ին դիպուկահարի կրակոցից: Արտյոմը, իմանալով եղբոր մահվան մասին, շտապել է Հադրութ եղբոր վրեժը լուծելու, բայց ցավոք ճանապարհին զոհվել է ԱԹՍ -ի հարվածից: Հավերժ փառք Ձեզ հերոս եղբայրներ "Յուր ազգն ու հայրենիքը չսիրող անձը մարդկային կյանքի մեջ ապրելու իրավունք չունի": Խրիմյան Հայրիկ

-Կոմանդո՛ր, եթե զինվորիդ ձեռքին հեռախոս տեսնես, ի՞նչ կանես։ -Եթե առաջին անգամ տեսնեմ ու խլեմ, ապա ինձ որպես ՄԱՐԴ չեմ հարգի: Կզգուշացնեմ, որ չկրկնվի, իսկ եթե երկրորդ անգամ տեսնեմ ու չխլեմ, ապա ինձ որպես ՍՊԱ չեմ հարգի։ Թե՛ որպես ՄԱՐԴ, թե՛ որպես ՍՊԱ այդքան կատարյալ չպիտի լինեիր, Գևորգ ջան։ "Սերը հայրենիքի հանդեպ կիսատ-պռատություն չի ճանաչում. ով նրա համար չի անում ամեն ինչ `չի անում ոչինչ. ով նրան ամեն ինչ չի տալիս, նա մերժում է նրան ամեն ինչ": Բյոռնե

Ջոն Հունանյանը ծնվել է 2000թվականի սեպտեմբերի 1-ին Արմավիրի մարզի Ջանֆիդա գյուղում։ 2019 թվականից ծառայում էր Հադրութում որպես սերժանտ։ Պատերազմի ժամանակ, երբ Ջոնը վիրավորվում է, չի համբերում, թե երբ պետք է վերադառնա կռվող ընկերների մոտ, մի փոքր ապաքինվելուց հետո նորից վերադառնում է առաջնագիծ։ Մեր հերոսը ցավոք անմահանում է 2020 թվականի հոկտեմբերի 14-ին։ Ջոնը ընկերասեր և հայրենասեր անձնավորություն էր, դրական հատկանիշներով օժտված նվիրյալ, նրան բոլորն էին սիրում և հարգում: Արցախի Հանրապետության նախագահի կողմից հետմահու արժանացել է "Մարտական ծառայություն" մեդալով: Փառք ու պատիվ մեր հերոսին Հիշենք և մեծարենք

Հերոս ջան, քո սխրանքն անմահ է, քո անունը՝ մեր սրտերում "Որպեսզի ցեղդ ու հայրենիքդ ապրեն, նրանց համար մեռնելու կամք ունեցիր: Իբրև հայ մարդ անպետք է նա, որ չունի այդ կամքը": ԳԱՐԵԳԻՆ ՆԺԴԵՀ

Հերոս Տիգրան Վյաչեսլավի Սահակյանը անմահացել է Ֆիզուլիում իր ամբողջ խմբի հետ միասին... Հիշենք և մեծարենք մեր հերոսներին Փառք ու խոնարհում Սերը դեպի հայրենիքը քաղաքակիրթ մարդու առաջին արժանիքն է: ՆԱՊՈԼԵՆ ԲՈՆԱՊԱՐՏ